مشكلتك ليها حل ب ايدك مش بتفكير غيرك؟!

احنا لو عرفنا فين المشكله بالظبط يبقى احنا كدا حلينا نصها

وزى منا شايف انتى تايهه وحتى مش عارفه مشكلتلك فين بالظبط
هل هى نفسيه ولا اجتماعيه ولا عاطفيه ولا ايه
ولو افترضنا ان فى مشكله فى كل النواحى ده
فعشان تحلى مشاكلك مستحيل هتحليها وانتى بتفكرى فيهم كلهم مره واحده
انا مش هحللك مشاكلك
لا

انا هديكى الخيط واخليكى انتى بارادتك تحلى مشاكلك
واول الخيط هو انك تعرفى فين المشكله او المشاكل لو اكتر من مشكله
بعد كده رتبى مشاكلك حسب خطورتها عليكى
وبعدين ابتدى فكرى فى كل مشاكله على انها هى مشلكتك الوحيده وبس
واثناء تفكيرك فى المشكله دى انسى خالص مشاكلك التانيه
ومع تركيزك الشديد فى المشكله حاولى تشوفى ايه الحلول الممكنه اللى اتى فى وضعك وظروفك متأكده انك تقدرى تعمليها

وانصحك انك تعطى نسب لامكانيه تحقيقك لكل حل هتتوصلى اليه وفى الاخر خالص اختارى اكتر حل نسبته كبيره هتقدرى تعمليه

ارجعى تانى للمشكله رقم اتنين فى الترتيب واعملى نف اللى عملتيه فى المشكله الاولى لحد متوصلى بردو فى المشكله دى لاكتر حل هتقدرى تعمليه
ايا كان عدد مشاكلك هتوصلى لعدد مساوى من الحلول او اكتر

لكن فى اسوء الاحوال هتوصلى لعدد حلول مناسب ومساوى لعدد مشاكلك
الحلول دى خللى بالك هى اللى اتفقنا عليها انك هتقدرى تعمليها

ولو افترضنا ان عدد مشاكلك 5
هتوصلى ل 5 حلول
انتى متأكدة انك هتقدرى تنفذيهم

دلوقتى جه دور التنفيذ
اكتبى الخمس حلول فى ورقه كبيره وعلقيها فى اوضتك بحيث تكون قدامك دايما كل متفتكرى مشكله من مشكلك

او اكتبيى الحلول دى فى ورقه صغيره وخليها دايما معاكى فى اى مكان تروحيه
وحاولى تقريها على اد متقدرى

صدقينى مع التعود والانتظام فى تذكيرك بالحلول دى
لو متحلوش الخمس مشاكل وده احسن افتراض
هيتحل 3 او 4
وبكده على الاقل الحمل العصبى للتفكير هيقل
جربى وقوليلى

وانا بردوا تحت امرك

على فكرة دى فكرة رائعة
بس اية الدماغ دى
على العموم مية مية
ربنا ميحرمناش منك

» جروب مشكلتك ليها حل
» الابتسامه اجمل شئ ف الوجود(جروب مشكلتك ليها حل)
» مستقبل ولاد وبنات مصر المنتظر(جروب مشكلتك ليها حل)
» الدنيا مليانه مشاكل فيها ناس (جروب مشكلتك ليها حل)
» كنا زمان بنقول تحيا يامصر (جروب مشكلتك ليها حل)