كنا زمان بنقول تحيا يامصر (جروب مشكلتك ليها حل)

هل الى ف مصر ده عاجب اهلها ولا مش راضين عنها؟هل ده عيب من اصل مصر
نفسها ولا اولادها هما الى عملوا فيها كل ده ؟

ديه صوره من صور من الحياه الاسريه ف مصر آسف لك وعارف فرطت فى كرامتك ...فرطت فعروبتك وتاهت ملامحك

آسفلك عشان مبقتش ابنك اللى يبر بيكى ويرد غيبتك
وامتى انتى غيبتى؟ وعمرك ما غيبتى ..لكن اللى منك أهانو سيرتك
بكل سوء وشوهو صورتك ونكرو جميلك وهتكوا عرضك

آسف لك ومهما قلت فأسفى مايكفى يامصر عشان ترضى عنى
وأسفى يأمى على اخويا اللى منك بيدوس عليا وخيرك بيحوشوا عنى
وياريتها تيجى من واحد غريب دى جيا من اللى شايل اسمك
وبصرخ يا أمى من كتر الوجع...عليكى من ناس عايشين عيشة البجع
واخويا اللى جانبى م الجوع اتفجع
فهياكل اخويا التانى ياأمى..ماخلاص كل حاجه هانت عليه

أسفلك على حقى اللى من ايدى اتنهب
وشدوا من ايديا كأنه دهب
وناسى ياأمى أنه فى بطنه لهب

دا اخويا الكبير اللى وصتيه عليا هو يامى اللى قطع ايديا
عشان يأمى مرفعشى ايديا وقوله حقى فيغضب عليا
آدى اخويا يامى اللى وصتيه عليا
بينهش فى لحمى وفرج عليا
من كل شارع ناس شويه

دا اخويا يامى اللى قلتى عليه هسيبك يابنى وأمانه فى ايديك
تراعى خواتك ...واوعى يابنى تقصر معاهم ليومها يابنى راح اغضب عليك
واديكى يا امى شوفتيه بنفسك مبهدل كرامتك وسكت فى حسك
وبردوا ياامى ليه راضيه عليه؟
عشان قلبك كبير؟ولا هو طبعك
تخللىاللى منك يهد اللى منك
وبعدين تقوليله روح طبطب عليه؟؟؟

مصر خلاص كل يوم فى تدهور ولسة القادم اسواء



احنا لو فى حرب كان احسن من الى احنا فى دلوقتى




بجد العيشة بقت صعبة اوووووى فى البلد دى هنعمل اية غصب عنينا هنعيش فيها معناش فلوس نسافر لغيرها فلازم نستحمل حلوها ومرها بس دلوقتى بقت مرها بس