نائر ونئير .. الجزء التاني

فاكرين نائر ونئير اتنائروا علي ايه المرة اللي فاتت ؟
اممممممممم
شكلكم مش فاكرين مين هم نائر ونئير اصلا
ماعلينا
تاني يوم .. قابلوا بعض وكان الحوار كالتالي :
نائر : عامل ايه يله ؟
نئير : سيبك مني بقي .. انا مش بكلمك اصلا
نائر : انت زعلت ولا إيه ؟ .. هي عادتنا ولا هنشتريها يبني
نئير : من الاخر .. عاوز ايه ؟ .. اخلص
نائر : انت هتحدد شريكة حياتك ازاي ؟
نئير : لا ده موضوع كبييييييييييير
نائر : طب ما تقول
نئير : بص يا سيدي .. انا الجمال عندي مش مهم .. المهم هي .. تكون بتحبني وفي توافق .. جمال الروح يعني
ولازم طبعا اخلاقها تكون عالية جدا .. انما الجمال مبيشغلنيش
نائر : لالا .. انا الجمال عندي هو كل حاجة تقريبا .. اهم حاجة تكون جميلة .. وجميلة جدا كمان .. انا مش قصدي انها تكون قليلة الادب لاسمح الله
انما الجمال اولا والاخلاق ثانيا .. ايوة يا آبا .. ده جواز و ( تــيـــــــــت) مش لعبة يعني
نئير : انت أهبل يبني .. الجمال بيروح .. انما الاخلاق هي اللي هتدوم
نائر : يعني هو حرام اتمتع بجمالها الشديد في فترة شبابها .. بعد كدة بقي خلاص عادي .. هتبقي زي اللي انت هتتجوزها ههههه
نئير : بطل استفزاز .. وبعدين انا مقولتش هتجوز حيزبونة انا قولت الجمال ثانيا مش تاسعا .. انما طبعا الاخلاق اولا وقبل اولا كمان
نائر : وانا مقولتش هتجوز واحدة بتاعة مخدرات وعندها 1235547 قضية وملف في الاداب .. انا بس قولت الجمال اولا والاخلاق ثانيا .. ايوة يا عم لازم تكون جميلة
نئير : انا قولت اللي عندي وكل واحد والموززة بتاعته بقي
نائر : قولت اللي عندك ايه بس .. هو انت بتفهم اصلا
نئير : متغلطش يبني .. هضربك
نائر : متقدرش

طاخ طوخ تررام طراخ

وكان هي النهاية المعتادة

انت بقي مع مين ؟؟؟؟؟؟؟؟؟

انا اسف اني اتأخرت عليكم في الجزء التاني

وانتظروا المزيد