اتغيرت كلمه كفايا يامصر (جروب مشكلتك ليها حل)

ديه صوره من صور فساد المجتمعات ف مصر يمكن الحكومه هى الى بتفسد وبتخرب ويمكن زى مابيقولوا علينا احنا الى بنفسد وبنخرب العلم عند الله مين الى بيفسد فينا وبيخرب

هنضربك على قفاك ..ولو قريتلى الف كتاب وكتاب
داحنا الحكومه ياولد واحنا اللى بأدينا الحساب
واحنا اللى افترينا واحنا الى بنينا حزب اسمه الهباب
واحنا اللى زورنا واحنا اللى فبركنا كل انتخاب وانتخاب
ودلوقتى جى تقولى مش هضربك ...دانا هضربك وهضربك على قفاك

اوعى تكون نسيت نفسك يامواطن دانا اللى جوعتك
وانا اللى شحتك وانا اللى بيعتك هدومك م الدولاب
وانا اللى سممتك فى بطنك وانا اللى كتفتك فى صمتك وانا اللى خليتك تمشى جمب الحيط وتسك عليك الباب
وانا اللى شردتك سنين وانا اللى كترت عليك الدين وجريت عليك الكلاب
بتقولى مش هضربك .....دانا هضربك وهضربك على قفاك

هو ده عيبك يامصرى تنسى اللى عملته فى عصرى
عملتك حفلات كتير مليانه نانسى وهيفا وغير
والدلع بقى عينى عينك والحشيش باين فى عينك وكليبات على كيف كيفك ناقصك ايه تانى يا كداب
دانا اللى بكترلك مشاكلك وانا اللى دايما مشاكسك مطرح ماطروح تلاقينى قفلك كل باب وباب
وتقولى مش هضربك ..دانا هضربك وهضربك على قفاك

وانا اللى علمتك تخاف... والعيش ان لقيته هتاكله حاف... وان لقيته يبقى حظك
او بتاخد بالاسباب
وانا دمرت انتماءك وانا بهدلت اللى جابك وانا خليتك تعجز قبل ما ما تعيش الشباب
وتقولى مش هضربك على قفاك دانا هضربك وهضربك على قفاك

فعلا هما الى عمل كل دة والله زمان الواحد كان بيسمع بيقول الشرطة فى خدمة الشعب بس كان زمان الزمن اتغير دلوقتى الشعب فى خدمة الحكومة

صح كفاية خلو الناس تسمع هيفاء ونانسى وتتفرج على دومنيك وعلى بوسى عاوزين اية تانى الحكومة مدلعانا اهو عاوزين اية تانى الطمع وحش يا مصرين اردو بقليلكم

يلا هما عايزنا نعيش ف غيبوبه الفديو كليبات ونروح ف عالم الطناش من كل حاجه هو ده الى بيخططوله دلوقتى

على فكرة هما بيعضوا لكن احنا ممك منتفرجش ولا نهتم
هما مش بيجبرونا بس كويس اننا فكرنا ووصلنا لكده
يلا بدا من هنا من منتدى الساهر وتغير احنا اول ناس

عندك حق بس هما الى بيخلونا نتفرج عشان بيبقى عندنا وقت فراغ كبير ومش لقين حاجه تسلينا غير كده وكلوا ف الطناش
مشكور يا جميل على الرد والمتابعه ويارب يكون الموضوع عجبك

» كنا زمان بنقول تحيا يامصر (جروب مشكلتك ليها حل)
» تصوروا يا جماعه اتغيرت كفايه يا حكومه (جروب مشكلتك ليها حل)
» جروب مشكلتك ليها حل
» الابتسامه اجمل شئ ف الوجود(جروب مشكلتك ليها حل)
» مستقبل ولاد وبنات مصر المنتظر(جروب مشكلتك ليها حل)