كل واحد فينا جواه مشاكل الدنيا وف مشاكل مش بيعرف يتكلم فيها غير مع نفسه وكلنا اكيد كده والى حقولكم عليه ده يمكن من المشاكل البسيطه الى بتواجهه كتير مننا
1- بتحب/ بتحبى واحد ومش بيحبك او مش حاسس بيكى
2-دايما لما بتحب حد بييجرحك لانك وبتكتشف انك معرفتهوش من البدايه
3-طيب جدا وبتتعمل مع كل الناس بحسن نية وده سبب خيبتك القويه
4-ملقتش الانسانه اللى بتحلم بيها/ الانسان
5-محدش فاهمك وعشان كده حاسس بالوحده
6-جواك طاقة وعايز تشتغل ومش عارف ازاى تفرغ الطاقه دى لانك مش لاقى شغل
7-عندك طموح بتسعى له لكن دايما فاااااااشل
8-بتحب ومش عارف تعبر عن مشاعرك
9-مخنوق من ابوك وامك ومطهقينك فى عيشتك
10-مفلس دايما
11-نفسك تهج وتسيب البلد ومش عارف تعمل ايه
12-مكتئب دايما ومش عارف السبب
13-اصحابك مش مقدرينك فبتشوف الافضل انك تنسحب
14-بتاخد على الناس بسرعه وده سبب انك بتتخدع فيهم
15-اخوك الكبير عامل فيها ابو الرجاله ودايما قرفك ومطلع عينك
16-فاااااااااااااااااشل فى الدراسه
17-فاااااااااااااشل فى الشغل
18-بتفكر كتير
19- قرارتك سريعه وده سبب انك بتحكم ع الناس بسرعه ومش عارف ازاى تبطل العاده الزفت دى
20-اعز صديق ليك اللى هو صديق العمر اتفاجات انه طلع ابو النداله
21-حاسس انك بخيل
22-مش عارف تكون مخلص وبتلعب بديلك كتير
23-اهلك محملينك مسئوليه فوق طاقتك وبجد انتا اتخنقت واللى مصبرك ان اللى ملوش خير فى اهله ملوش خير فى حد
24-دايما كسلان
25-مبتعرفشى تاخد قرار لوحدك ولابد من اى حد يساعدك حتى لو عيل صغير بس بيفهم
26-شخصيتك ضعيفه
27-مفيش ولا بنت عايزه تحبك ....ليه؟ نفسك تعرف السبب عشان تموت وانتا مرتاح
28-عندك وسواس قهرى
29-ملكشى فى اى حاجه ولما بتقعد مع حد بتحس انك مش فاهم اى حاجه ولا عارف اى حاجه
30-حساس جدا لانك دايما شايف كرامتك فوق كل شىء
دلوقتى قولى ايه مشكلتك فيهم ولو مشكلتك مش موجوده اكتبها وقولها ولازم تختار مشكله وتكتب تعليق باسمها عشان اكتر مشكله الاعضاء هيقولوا عليها هنحلها من الالف للباء
وهنتكلم فى كل جوانبها وبصراحه وبكل شفافيه
المهم سيب تعليق
وربنا ما يجيب مشاكل