مستقبل ولاد وبنات مصر المنتظر(جروب مشكلتك ليها حل)

جامعه خلف الاسوار

ايام ثانوى كنت بفكر فى المستقبل جوه الجامعه
كنت انا بحلم وانا بتصور ويا زمايلى فى صوره الدفعه
كنت بفكر ازى حقدر اخرج منها فى ايدى الشمعه
جيت الجامعه ياناس وانا فاكر كل امالى راح تتحقق
انى اكون انسان متحضر صاحب رأى وكلمه ومبدأ :lol!:
وانى اتخرج يوم بتفوق وفى لحظتها حياتى هتبدأ
بس لقيت احلامى انهارت وانا مذهول مش قادر اصدق
جيت والجامعه الى فى احلامى حلم اتبخر زى سراب
كلمه جامعه لقيت معناها شله بنات مع شله شباب
والحريه بقت محصوره فى الحب ونظرات اعجاب
والعلم الى انا جى علشانه اخر شئ معمول حسابه :lol!:
اتحاد الطلاب متعين قبل الانتخابات بشهور
والى يحب يرشح نفسه يتفضل وبكل سرور
بس شروط الايحه حتبقى واقفه ف وشه زى السور :lol!:
حتى الكلمه بقت ممنوعه والمستقبل بقى مجهول
حلم صغير جوه حياتنا لكن مع وقف التفعيل :bounce:
حلمى ف يوم جامعتنا تخرج علماء زى الباز وزويل
حلمى ان بكلمتنا نقدر نفتح للحريه سبيل

ديه الجامعه الى انا بحلم بيها وبحلم اشوفها جيل ورا جيل

الله عليكى يا ساسو







الحمد لله مدخلتش جامعات ولا هخش






معلش بقى يبتوع الجامعات استحملو

والله مش بتوع الجامعات بس الى تعبنين ف البلد ديه كل الناس

عندك حق بس الى عاوز يعمل حاجه بيعملها بس ده كان زمان دلوقتى نادرا لما الى عاوز يعمل حاجه بيعملها ف البلد ديه مشكور يا عبدو على الرد والمتابعه

نال اعجبا دى حاجه قليلة ده ابهرنى

اى خدعه يا جميل ويارب بس مكنش سودت المستقبل قدامك ممكن على ايامنا كل ده يتغير ويبقى للاحسن يارب
ميرسى يا عسوله على الرد والمتابعه