l|¦|l*_.¸منتدى الـسـاهـر¸._*l|¦|l


افلام عربى / افلام اجنبى / البومات عربى / البومات اجنبى / اغانى سنجل / فيديو كليب / صور
 
الرئيسيةالبوابةاليوميةبحـثالتسجيلدخول
اهلا وسهلا بكم فى منتدى الساهر كل ما هو جديد وحصرى ( اللهم صلى وسلم على سيدنا محمد )

شاطر | 
 

 ورقه .. من ملف القضية

اذهب الى الأسفل 
كاتب الموضوعرسالة
eslam alsaher
الـــــمــــــديــــــر
الـــــمــــــديــــــر
avatar

ذكر
عدد الرسائل : 3481
العمر : 29
بلدك ايه : مصر
تاريخ التسجيل : 03/10/2007

مُساهمةموضوع: ورقه .. من ملف القضية   الأحد ديسمبر 09, 2007 1:04 am

انت شيوعى
انا مصراوى
انتومصايب
انتو بلاوى
ممكن اعرف مين الأول
بيكلمنى
احنا نيابة أمن الدولة
دولة مين
دولة مصر
مصر العشه
ولآ القصر
أيوه حنبدى ندور ونلف
حاجه تنرفز خالص
اف
مالك.. شايل طاجن خالك
لم لسانك ما تخرفش
أنا ما اقصدش اهانتك طبعا
ايوه استعبط
لا ما اعرفش
ايه رأيك فى سفارة كوريا
ايه رأيك فى قضية مصر
مصر فى وحده
هى وسوريا وليبيا
ولازم ييجى النصر
ييجى منين و ازاى ولمين
آدى كلام الشيوعيين
أنا من حقى
حق فى عينك
أنا بتكلم بينى وبينك
يعنى كلام بره التحقيق
اذا كانش يسبب لك ضيق
طيب فول
مين مسؤل ؟
مين مسؤل عن ايه يا أخينا
ع اللى جرى لنا ف غزه وسينا
أنت شيوعى أكيد وطاوعنى
فض دمغك من دى قضيه
شعبنا جاهل
مهما تقول له
مش حيآمن بالشيوعيه
ما الشيوعيه فى فيتنام
ايه رأيك فيهم يا همام
مش بطال مش بطال
لكن احنا .. ورانا عيال
طب ما نحارب
لجل عيالنا
يطلعوا أسعد من اجيالنا
انت الظاهر مخك فاضى
وحتتعبنى معاك ع الفاضى
وأنا بحبت معاك بكفايه
ابقى اتفلسف عند القاضى
هى قضية ؟
لأ ملوخية
آمال فاهم ايه آمال
هى الدوله دى لعب عيال
ممكن أعرف أنا هنا ليه
أيوه حتعرف
أمال ايه
يوم خمسه وعشرين الماضى
ايه مشاك عند التحرير
تحرير ايه يا جناب القاضى
أنا مش فاضى
بكره تصير
بطل غلبه وجاوب دوغرى
أنا غلباوى كده من صغرى
كل الشيوعيين امثالك
آخر غلبه وقلة ذوق
يحصل ايه لو تمشى فى حالك
فاكر نفسك مين
ما تفوق
لو راح افوق
مش من مصلحتك
أما معجب جدا بصراحتك
أيه رأيك فى حكاية الطلبه
حاجه عظيمه بشرة خير
انت دماغك ينفع جزمه
وانت لسانك ينفع سير
أخرس قطع لسانك سافل
كتر خيرك
مخك قافل
مين وداك بقى عند الطلبه
رايح ضمن المندسين
رحت أناقشهم واسمع منهم
تسمع منهم ايه ياسى طين
دول عايزيين الدنيا تولع
علشان اصلا
مش فاهمين
هى الحرب يا عالم لعبه
دى بتتكلف بالملايين
وانت حتدفع ايه من جيبك
امال حدفع من جيب مين
انت حمار وخدوك فى مشمك
رحت هناك زى الباقيين
عاملين لجنه
وقال وطنيه
مش ممكن دول وطنيين
وجماعة انصار الثورة
وفلسطين وهباب الطين
ما نخلينا يا سيدى فى حالنا
مالناومال الفدائين
هو احنا اللى نهبنا بلدهم
دول عالم صيع فاقدين
قتلوا الراجل عند الشيرتون
واحنا اللى طلعنا القاتلين
وصفى التل ده كلب وخاين
اهو كل العالم خاينين
واحد صاحبى مراته مرافقه
وهو مرافق
ييجى عشرين
أمريكا بتزعل وبتحزن
هو احنا يا عالم ناقصين
مش نستعبر
م اللى جرالنا
ونعيش بقى زى العايشين
دى عيال عملا للشيوعيه
واحنا عدو الشيوعيين
روق دمك بس يا بيه
مين مساعدكو بفالو سنين
بيساعدونا صحيح يا سى بعجر
علشان أصلا مش فاهمين
احنا حليتنا منين نديهم
ونسددهم بالملايين
يمكن يعنى قضية مبدأ
مبدأ مين وزكايب مين
هى دى عالم تعرف مبدأ
دول بقول لك
ناس مجانين
اخترعولنا السد العالى
علشان نبقى اشتراكيين
اشتراكيه هناك فى بلدهم
واحنا فى دارنا
نعيش حريين
عايزيين الفلاح الجاهل
يتساوى بالمحترامين
وكمان قال
تحديد ملكيه
أبو ألفين
يدوه خمسين
شغل ملاحده وعالم كفره
ومخالفين احكام الدين
والعمال راخرين اسم الله
فاهمين روحهم
بنى آدميين
ناس عايزين الحرق بولعه
دا كله من الشيوعيين
نشروا لنا الأفكار السوده
أولاد الكلب الملاعين
مين وداك بقى عند الطلبه
انطق قول
اتكلم مين
هما ايه مطالبهم ؟
انت حتستجوبنى يا شاطر
لأ مش قصدى
بس أنا بسأل
كانو طالبين كراريس ومساطر
ولا مطالب ميه الميه
كل الشعب مآمن بيها
دول طالبين حرب وشعبيه
مين مجنون بقى
حيمشيها
عايزين يدوا الرتش سلاح
عشان تحصل فيها مجازر
أنا لو أشوف حلوف فلاح
شايل شومه
لازم اهاجر
لازم بينه وبينك دم
دم ف عينك
هس اتلم
ثم نحارب ليه
وبأيه
بسلاح ما يموتش بعوضه
روق دمك بس يا بيه
الحرب ضروره ومفروضه
واهو نفس سلاحنا المظلوم
فى فيتنام دابح أمريكا
دى طبيعه أرض يابتى آدم
بطلوا بقى كدب وبولوتيكا
طب ما الهند بنفس سلاحنا
فى باكستان
بعزقت الغرب
رأيك يعنى ضرورى ان احنا
وحتما يعنى نخش الحرب
طيب
حاضر
فين المخبر
حتغير رأيك
بالضرب يناير
1973
cheers
phroon26
احمد فؤاد نجم

_________________
[center]


للشكاوى والاقتراحات

الاكـــونت بتاعى على الفيس بــوك


eslam_friends2000@yahoo.com

طريقة التحميل من موقع زيرو 10




[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
smsm
عضو جديد
عضو جديد


انثى
عدد الرسائل : 20
العمر : 32
تاريخ التسجيل : 12/08/2008

مُساهمةموضوع: رد: ورقه .. من ملف القضية   الأحد أغسطس 17, 2008 4:07 pm

نهنيكم على الكلام الرائع ..قرأت القصيده من بدايتها لنهايتها وعجبتني وااااااجد ومشكورين على المجهود وفكرتكم في توعية الناس الغافله عن اشياء فعلا غافلين عنها ومحتاجين من يوعيهم ,
وانتو دخلتوا القلوب واولهم قلبي انا من خلال تبسيط المعني في ابيات ظريفه خفيفه سهلة الفهم ...والله صحيتوا ...A
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ورقه .. من ملف القضية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
l|¦|l*_.¸منتدى الـسـاهـر¸._*l|¦|l :: قسم الاشعــار & الرومانســية :: اشعار عامية-
انتقل الى: