جروب مشكلتك ليها حل

انا عايزه نعمل جروب اسمه مشكلتك ليها حل ده مش اول موضوع اتكلم فيه عن المشاكل الى ف حياتنا بس انا كل المواضيع الى نزلتها عن مشاكلنا تحت اسم جروب مشكلتك ليها حل
لما فكرت اعمل الجروب ده
مجاش فى بالى غير شىء واحد وقتها
ومحستش غير بأحساس واحد
هو الأحساس اللى اى واحد فينا يحسه لما يكون مخنوق او مضايق او تعبان
لقيت نفسى بفكر فى شعور كل اللى حواليا
ابتديت ادخل جواهم
ازاى معرفش
بس كل اللى كان هممنى انى ازاى اقدر اخرج الحزن من جوا قلب كل واحد شايفه مخنوق او مضايق
اخرجه من مشكلته حتى لو بكلمة
عملت الجروب لأنى حسيت بالشاب اللى تعبان فى حياته
الشاب اللى شايف الدنيا خلاص جابت أخرها
الشاب اللى دايما مش طايق نفسه ودايما مشاكل فى البيت
الشاب اللى مش لاقى واحد يقول عليه ده صاحبى
الشاب اللى حس للحظه انه ضاع ومحدش مهتم بيه
محدش شايف دمعته اللى يمكن عيونه بتنام ودمعته لسه مجفتش
الشاب اللى بيحب وتعبان
الشاب اللى بيحلم بس خايف يحلم اكتر ليتفاجىء بكابوس اسمه خليك واقعى انتا مش عايش ولا ايه!!!

عشان البنت اللى حاسه انها مش عارفه عايزه ايه
البنت اللى هى كمان تعبانه
مخنوقه
البنت اللى بتحلم
البنت اللى بتحب
البنت اللى اللى حواليها مش مهتمين بيها

لأى انسان عنده مشكله وعايز يتكلم
عايز يخرج اللى جواه
تعبان
محتاج حد يكلمه من غير ما يخاف انه هيفشى سره
البنت اللى محتاجه تتكلم مع حد مش هيجاملها
حد يفهمها
حد يكون يقولها انتى صح
او لا انتى غلط
لو معنديش مشاكل مكنتش عملت الجروب ده
لكن عملته لأنى حاسس بمرارة يعنى انتا او انتى عندكم مشكله
احساس انك يائس او محدش فاهمك
احساس ان محدش شايفك صح

احساس انك تخبى جواك
جواك او جواكى بركان
انا عارف

كل اللى فات ده مش مشكله
علشان كده بقولك مشكلتك ليها حل
عارف ليه
علشان انتا تقد تغير حياتك بأيدك
انتا تقدر تبنيها وانتا تقدر تهدها
انتا قوى
ليه شايف نفسك ضعيف
انتا مش عارف انك اعظم مخلوق ربنا خلقه وسخرله كل حاجه عشان تكون تحت طوعك
اوعى تزعل
اوعى تيأس
تبقى غلطان لو عملت كده
ايوه غلطان
مينفعش تبقى ضعيف
انا انسان
عارفك انك انسان
والله عارف
عشان كده بقولك انتا تقدر تعمل كل حاجه انتا عايزها
انتا تقدر تخللى الناس كلها جانبك
تخللى نفسك انجح راجل فى العالم
تقدر تخللى ولدك ووالدتك يفتخروا بيك فى اى مكان واى زمان
تقدر
تقدر تبقى اخ قدوة لأخواتك
تقدر تبقى نموذج انتا ذات نفسك تفتخر تكونه
ليه بتقول لأ صعب
ازاى تقول كده
اوعى تبص لنموذج فاشل وتقارن نفسك بيه
اوعى تبص لواحد عاطل حتى لو متخرج من احسن جامعة فى الدنيا وتقولى مفيش شغل
ليه تقارن نفسك بواحد يمكن هو فاشل اساسا
او معندهوش الطموح اللى جواك
انتا مش زيه
انتا كده بتضيع وقت
قارن نفسك باحسن الناس
ايوه بص لصاحبك اللى نجح وكان زيه زيك
بص لقريبك اللى حقق حاجه عشان كان عايز وقال انا هكون
عارف
حتى لو معندكش هدف
حط هدف قدامك ويلا ابدأ نفذه واسعاله
هتوصله
والله لو صممت هتوصله
صدقنى كل شىء ممكن
مفيش مستحيل
عمرك سمعت انسان ناجح بيقول مستحيل
المستحيل هو الحاجز اللى بيحطه الانسان الفاشل قدامه عشان يدارى خيبته
ايوه خيبته
صدقنى
انا عارف انك تقدر تحول كل الظروف اللى ضدك لصالحك
جرب
تفتكر هتخسر ايه اكتر من الوقت اللى ضيعته من غير متفكر حتى تحل مشكله صغيره
او ضيعته فى حاجه على حساب حاجه اهم
يلا قوم ابدأ انتا لسه بتفكر
رتب افكارك
شوف ايه المشاكل اللى قدامك دا لو فى مشاكل
رتبها وابتدى شوف تقدر تحلها ازاى
وهتحلها
بس انتا خد الخطوة

البنت اللى حاسه ان عندهامشاعر دفينه جواها
بقولك سبيها لوقتها متخرجهاش دلوقتى
متستعجليش
خليها للى يستحقها

صدقينى انتى كنز
بس انتى مش عارفه كده
انتى أم وأنتى اخت وانتى أبنه
انتى كل حاجه
انتى رمز
شوفتى انتى عظيمة اد ايه
مشاعرك أنبل مشاعر
اوعى تزعلى انتى عندك حاجات ربنا كرمك بيها لوحدها تخليكى اسعد مخلوقه
كفايه مشاعرك كفايه قلبك
اوعى تزعلى او تبكى
والله دمعتك غاليه
ولو تتخيلى هى اد ايه بتتعبك
اقولك
لو مضايقه
او مخنوقه
اعملى اى حاجه تنسيكى زعلك
حتى لو هتلسعى نفسك بشمعه عشان مخك على طول هيتوجه للتفكير بالالم
اوعى تقولى انتى عندك مشكله
دانتى بنت وأم اللى بتدير كل حياتنا
طلعى اللى جواكى
بس متتسرعيش
اخلقى لنفسك هدف
عارف
نفسك تكونى أم
بس لازم تكونى حاجه
لازم
انجحى وابتكرى وكونى زى ما نفسك تكونى مش زى ما الناس عايزينك تكونى
ابنى ثقتك فى نفسك وأبداى انتى كمان
تقدرى
متديش حد فرصه يقول انك فشلتى
اوعى
الكلمة دى مش هيكون ليها وجود
لو انتى وانا وهو وكلنا مش عايزينها

كلنا لأزم نغير حياتنا
لازم نشوف الحياة زى ما مفروض نشوفها مش زى ما الحياة عايزانا نشوفها
زى انين محبوسين فى السجن
واحد شاف من نافذه السجن الوحل
وواحد تانى شوف نور الشمس
شوفت الفرق
انتا وانتى لازم تختاروا انتوا عايين تبقوا ايه وتشوفوا ايه وتغيروا ايه
اوعى تخللى حد يحسسك للحظه بالفشل
اثبتك بعملك وبشخصك وبالتزامك انك مثل كويس وقدوة
هتكون
خللى كل ثانيه بتعيشها انتا اللى بتقرر تعيشها ازاى
ومتخليش الوقت يعدى وكأنه بيقولك
يخساره ضيعتنى وانتا عارف انى مش راجع تانى

ثقتك بنفسك هى مفتاحك لكل شىء نفسك بنفسك
لو فقدتها يبقى م الاخر اقعد فى البيت ومتنزلشى علشان شكلك هيبقى وحش
بس انا متأكد انك مش كده
بس بفكرك
فوء بقا وانتى فوءى كفايا نبنى جبال همومنا بأيديناواحنا مش حملها
خلينا فى النهارده نفكر ازاى نخللى اليوم احلى يوم فى حياتنا
ونسيب بكره لبكره

ارجوك
ارجوكى
يلا نتحرك
ونكون شىء يذكر فى حياتنا
ونمسح من حياتنا اى حاجه تهد فينا
ونضيف لحياتنا كل حاجه ترضى ربنا وترضين

واخيرا تحياتى ليكم كلكم وربنا يوفقكم دايما